s.o.s.

Ako’y abutin, ‘pagka’t ako’y nakabitin

Sa isang bangin na pagkalalim-lalim

Nanginginig, natatakot, sa baba’y ‘di makatingin

Daing ko’y dinggin, at ako’y iyong sagipin.

Sa tabi’y may orkidyas, matatag na nakakapit

Nais ko sanang kunin, nang sa pag-aho’y may bitbit

Ngunit hindi ko na kaya kung may iba pang sukbit

Hayaan na ito, mabuhay nawa ng marikit!

Bilisan mo na’t ako’y nangangalay

Kunin mo na bago pa bumigay

Kanina pa lupaypay ang pusong naghihintay

Sa ‘yo ba’y buhay ko’y wala ng saysay?